Оториноларингология (ересектер, балалар)
Білім беру бағдарламалары тобы: R028 Оториноларингология (ересектер, балалар)
Шифр: 7R01118
Оқу ұзақтығы: 3 жыл, 210 кредит
Қабылдау шарттары: жоғары медициналық білімнің, интернатураның болуы немесе жоғары медициналық білім беру бағдарламасы бойынша «дәрігер» біліктілігін көрсететін құжаттың болуы, дәрігердің сертификаты, білім алушыларды қабылдау саясатына сәйкес түсу емтиханы
1 жылдың оқу ақысы: 2 000 000 теңге
Миссия
Оториноларингологиялық науқастарға медициналық көмек көрсетуде қоғамның қажеттіліктерін қанағаттандыруға қабілетті, медицинада, ғылымда және тәжірибеде озық инновациялық технологияларды қолданатын және дамытатын, ақпараттық-коммуникациялық технологиялардың жетістіктерін пайдалана алатын жоғары білікті мамандарды даярлау.
Сіз не үйренесіз?
1 курс
- Амбулаториялық-емханалық деңгейдегі ЛОР ауруларын диагностикалау;
- Дифференциалды диагностикалау әдістері;
- Емхана жағдайында пациенттерді емдеу және басқару тактикасы.
2 курс
- Қабыну аурулары, құлақтың, мұрынның және тамақтың шұғыл патологиясы;
- Диагностика әдістері, дифференциалды диагностика;
- Стационар жағдайында пациенттерді емдеу және басқару тактикасы.
3 курс
- Сурдология, фониатрия;
- Диагностика әдістері, дифференциалды диагностика;
- Эндоскопиялық функционалды риносинус хирургиясының негіздері.
Оқытудың соңғы нәтижелері
- Құлақ, тамақ және мұрын мүшелерінің клиникалық анатомиясы, гемостаз физиологиясы, сондай-ақ Лор профилі ауруларының патогенезі туралы білімдерін көрсетеді. Медициналық құжаттаманы пациенттерді есепке алудың электрондық жүйелерінде кешенді, уақтылы және анық жүргізеді.
- Жедел және созылмалы ЛОР ауруларын диагностикалау және емдеу әдістерін білетіндігін көрсетеді, амбулаториялық және стационарлық кезеңдерде оториноларингологияда шұғыл жағдайларға күдікті пациенттерді басқару тактикасын меңгерген.
- Жанашырлықты, адалдықты және басқа адамдарға деген құрметті көрсетеді. Жынысына, жасына, мәдениетіне, ұлтына және басқа да ерекшеліктеріне қарамастан әртүрлі пациенттерге сезімталдық пен жауаптылықты көрсетеді.
- Өзінің рөлдеріне, қабілеттеріне және біліктілігіне сәйкес міндеттерді орындайды, этикалық, құпия міндеттемелерді, медициналық этика мен деонтология талаптарын сақтайды және күнделікті тәжірибеде кері байланысты пайдаланады.
- Пациентке күтім жасау, құпиялылық, ақпараттандырылған келісім және іскерлік тәжірибені, соның ішінде тиісті заңдарды, саясат пен ережелерді сақтауды қамтамасыз етуге қатысты этикалық принциптерге берілгендігін көрсетеді.
- Команданың жұмысын, оқу ортасын және медициналық көмек көрсету жүйесін жақсартатын көшбасшылық қасиеттерді, өзіне деген сенімділікті көрсетеді.
- Клиникалық мамандыққа жататын қолданыстағы медициналық көмек көрсету жүйесінде тиімді жұмыс істейді, медициналық көмек көрсетудің қолданыстағы нормативтік-құқықтық негіздеріне сүйене отырып, денсаулық сақтау жүйесінде пациенттерге күтім көрсетуді үйлестіре алады.
