Ересектер онкологиясы
Білім беру бағдарламалары тобы: R024 Ересектер онкологиясы
Шифр: 7R01117
Оқу ұзақтығы: 2 жыл, 140 кредит
Қабылдау шарттары: жоғары медициналық білімнің, интернатураның болуы немесе жоғары медициналық білім беру бағдарламасы бойынша «дәрігер» біліктілігін көрсететін құжаттың болуы, дәрігердің сертификаты, білім алушыларды қабылдау саясатына сәйкес түсу емтиханы
1 жылдың оқу ақысы: 2 000 000 теңге
Миссия
Ісік алды және ісік патологиясы бар науқастарға сапалы, дәлелді диагностикалық, емдік, демеуші, реабилитациялық және паллиативтік көмек көрсететін, практикалық мүмкіндіктердің толық спектрін пайдалана отырып және осы оқытуды қолдаушы оқу ортасында қамтамасыз ететін құзыретті медициналық онкологтарды дайындау.
Сіз не үйренесіз?
1-2 курс
- Резиденттерді клиникалық даярлау, олардың ҚР-да онкологиялық көмекті ұйымдастыру мәселелерінде теориялық және практикалық дағдыларды игеруі және жетілдіруі, онкологиядағы заманауи диагностикалық мүмкіндіктерді зерделеуі;
- Клиникалық, гистогенетикалық және топографиялық-анатомиялық классификацияны, TNM классификациясын игеру;
- Емхана мен стационар дәрігерінің өз бетінше жұмыс істеуі үшін қажетті көлемде негізгі онкологиялық ауруларды емдеу әдістерін игеру.
Оқытудың соңғы нәтижелері
- Науқастың жағдайын клиникалық бағалауды, физикалық тексеруді орындау. Клиникалық ақпаратты түсіндіру. Патология мен визуализация деректерін біріктіру.
- Зерттеу жоспарын жасау. Тиісті диагностикалық зерттеулерді таңдап тағайындау және орындау, диагноз қою. Аурудың сатысын және болжамды факторларды, емдеудің көпсалалы мақсатын анықтау.
- Белгіленген емдеуді орындау. Емдеудің тиімділігі мен қауіпсіздігін бақылау. Емдеудің уыттылығын клиникалық және зертханалық негізде бағалау.
- Ілеспе және қолдау терапиясын, медициналық оңалтуды жүргізу.
- Клиникалық жағдайлардың көпшілігінде консультативтік рөлді қоса алғанда, топта жұмыс істеу.
- Диагнозды түсіндіру, емдеуді жоспарлау, ісікке қарсы терапияның қауіптері мен артықшылықтарын және күтілетін нәтижелерді талқылау үшін пациенттермен және олардың отбасыларымен байланысу.
- Емдеуді үйлестіру және қамтамасыз ету үшін мейірбике қызметкерлерін, диагностикалық қызмет мамандарын қоса алғанда, емдеу тобының мүшелерімен жұмыс істеу.
