Оқытудың соңғы нәтижелері

1. Қоғамдық денсаулық проблемаларын тиімді шешу үшін, оның ішінде қазіргі заманғы ақпараттық технологияларды пайдалана отырып, билік органдарымен, ұйымдармен, халықпен, қоғамдастық мүшелерімен, БАҚ-мен тиімді сектораралық өзара іс-қимылды құрады.
2. Еңбек ұжымының жұмысын ұйымдастыру, адам ресурстарын басқару, мақсат қоюды жүзеге асыру және міндеттерді тұжырымдау, қызметтің басымдықтарын айқындау дағдыларын меңгерген.
3. Кәсіби қызмет барысында үздіксіз оқып, білімін жетілдіре алады, соның ішінде жасанды интеллектті (ЖИ) денсаулық сақтауда қолдануды меңгереді. Инфекциялық, паразиттік және инфекциялық емес аурулар мен уланулардың таралу себептері мен қауіп факторларын анықтап, талдау әдістері мен ЖИ технологияларын пайдалана алады. Әртүрлі эпидемиологиялық зерттеу әдістерін меңгеріп, аурулардың салдарын және халық денсаулығына әсерін бағалай алады, сондай-ақ цифрлық технологиялар мен болжамдық модельдерді қолдана алады.
4. Азаматтардың денсаулығын қорғау туралы ҚР нормативтік-құқықтық актілерін, санитарлық, табиғатты қорғау заңнамасын, мемлекеттік санитарлық- эпидемиологиялық қызмет мамандары қызметінің құқықтық негіздерін біледі және практикалық қызметте пайдаланады.
5. Денсаулық сақтау ұйымдарында көзделген есепке алу-есеп беру құжаттамасын жүргізуге қабілетті.
6. Мекендеу ортасының сапасы, денсаулық жағдайы, халықтың санитариялық- эпидемиологиялық саламаттылығы дәрежесі туралы деректерге, сондай-ақ денсаулық сақтау ұйымдары қызметінің көрсеткіштеріне мониторингті, талдауды және бағалауды жүзеге асырады.
7. Халықтың денсаулығын сақтау және ілгерілету, инфекциялық, паразиттік және инфекциялық емес аурулардың профилактикасы, олардың тиімділігін бағалау бойынша санитариялық-эпидемияға қарсы және санитариялық-профилактикалық іс- шараларды әзірлеу, ұйымдастыру және жүргізу дағдыларын меңгерген.
8. Қоршаған ортаның әртүрлі объектілерінің сапа көрсеткіштерін зерттеуге, талдауға және бағалауға және оларға жағымсыз әсерлердің алдын алу бойынша ұсынымдар түрінде өз қорытындыларын тұжырымдауға қабілетті.
9. Эпидемиологиялық жағдайды бағалауға, эпидемиялық ошақтарды тексеруге, эпидемиологиялық диагноз қоюға және инфекциялық аурулар ошақтарында дезинфекциялау, дезинсекциялау және дератизациялау бойынша жұмыстар жүргізу туралы нұсқамалар беруге, халық арасында иммунопрофилактиканың тиімділігін бағалауға қабілетті.
10. Қазақстан Республикасының аумағына шетелден инфекциялық аурулардың әкеліну және (немесе) инфекциялық аурулар жағдайларының туындау қаупін анықтай алады.
11. Халықтың санитариялық-эпидемиологиялық салауаттылығын, оның ішінде төтенше жағдайлар жағдайларында қамтамасыз ету жөніндегі шараларды әзірлеу мақсатында қоршаған ортаның, ауыз судың, тамақ өнімдерінің жай-күйіне санитариялық- эпидемиологиялық бақылауды, тіршілік ету объектілерін қадағалауды, шекараны аса қауіпті инфекциялардың әкелінуі мен таралуынан қорғауды ұйымдастыруға қабілетті.
12. Инфекциялық және паразиттік аурулар кезінде профилактикалық және эпидемияға қарсы іс-шаралардың іске асырылуына эпидемиологиялық қадағалау мен бақылауды жүзеге асыра алады.