2023 жылғы 13 шілдеде «Қарағанды ​​медициналық университеті» коммерциялық емес акционерлік қоғамы мен «Қарағанды ​​фармацевтикалық кешені» ЖШС арасында Ынтымақтастық туралы Меморандумға қол қойылды.

«Қарағанды ​​фармацевтикалық кешені» ЖШС бас директоры Барон Сергей Леонидович сапары аясында университеттің ғылыми-зерттеу орталығында болды. Ол қол қойылған меморандум аясында бірлескен ғылыми жобаларды жүзеге асыру және дәрі-дәрмек жасау саласында жұмыс жүргізу жоспарланып отырғанын атап өтті, сонымен қатар университет өңірлік білім беру мен мамандарды даярлау, жоғары білікті персонал – фармацевтикалық өндіріс үшін фармацевтер, технологтар, биологтар, сондай-ақ валидация, тіркеу, фармакологиялық қадағалау және клиникалық зерттеу жүргізетін мамандар ландшафтында жетекші рөл атқаратынына сенім білдірді.

Басқарма төрайымы - ректор Тұрмұхамбетова Анар Ақылбекқызы «ҚФК» ЖШС Қарағанды ​​қаласындағы фармацевтика саласының флагманы және облыс үшін әлеуметтік маңызы бар биологиялық, жалғыз дәрі-дәрмектерді шығаратын бірегей өндіріс орны болып табылатынын атап өтті. Меморандумға сәйкес университет студенттеріне ғылыми жобаларды жүзеге асыруға, тәжірибе және тағылымдамалардан өтуге  мүмкіндіктер берілген. Кездесу барысында тараптар сондай-ақ білім беру үдерісі саласындағы ынтымақтастық бағыттары бойынша келісті, атап айтқанда, «ҚФK» ЖШС кәсіби біліктілігін арттыруға көмектесетін қонақтық лекциялар, шеберлік сабақтары, семинарлар өткізу үшін жоғары кәсіби мамандар шақырылады; бірлескен іс-шараларды (симпозиумдар, семинарлар, дөңгелек үстелдер мен конференциялар) ұйымдастыру және өткізу жоспарлануда.

Бұл Меморандум Қарағанды ​​медициналық университеті мен Қарағанды ​​фармацевтикалық кешені арасындағы медициналық және фармацевтикалық ғылым және тәжірибе білімінің, әртүрлі басым бағыттары бойынша өзара тығыз және нәтижелі іс-әрекеттердің бастауы болады деп үміттенеміз.