Қарағандылық NIS оқушылары алғашқы медициналық көмек көрсету машығын игерді
5-6 маусым аралыгында Жазғы мектеп аясында қарағандылық NIS оқушылары Қарағанды медицина университетінің Симуляциялық және білім беру технологиялары орталығында болды. Бұл жерде зияткерлер жас геологтардың республикалық олимпиадасы аясында өтетін «Қауіпсіздік техникасы негіздері» жарысына дайындалды. Жаттықтырушы Гулден Идрисованың жетекшілігімен оқушылар тыныс алу және жүрек қызметі тоқтағанда, сүйек сынғанда, буын шыққанда, дене көгергенде, күйгенде, уланғанда және жәндіктер немесе улы жылан шаққанда көрсетілетін алғашқы көмек түрлерімен танысып, тәжірибеден өтті.