Жаңалықтар

Қазақстанда дәлелді мейіргер ісін қолдау бойынша ынтымақтастықты дамыту

14 Ақпан 2023

7-9 ақпан аралығында Астана медицина университетінде Қазақстандағы дәлелді мейіргер ісін қолдау бойынша ынтымақтастықты дамытуға бағытталған дөңгелек үстел өтті. Дөңгелек үстелді Erasmus+ бағдарламасы арқылы ЕО бірлесіп қаржыландыратын AccelEd жобасы аясында Қарағанды медицина университеті мен Jamk қолданбалы ғылымдар университеті ұйымдастырды.

Бұл іс-шараның мақсаты JBI ұйымдарына (толығырақ JBI https://jbi.global) қосылу туралы талқылауды бастау, Қазақстанда орталық ашудың өзектілігі мен артықшылықтарын атап өту болды. Сонымен қатар, дөңгелек үстелде ашық ғылым мәселесі көтеріліп, Қазақстанда мейіргер ісі ғылымын дамытудың бірыңғай репозиторийінің іске қосылуына ықпал етті. Бүгінгі таңда AccelEd жобасының командасы JBIC-ке қосылу және Қазақстанда репозиторий ашу бойынша жұмыс жасауда.

Дөңгелек үстелге Австралия, Қытай, Финляндия, Литва, Нидерланды және Қазақстанның сарапшылары қатысты. Сарапшылар JBIC шеберлік орталықтарында жұмыс істеу тәжірибесімен, сондай-ақ Еуропа мен Қазақстандағы репозиторийлермен жұмыс істеу тәжірибесімен бөлісті. Қоғамдық денсаулық сақтау және еңбек гигиенасы институтының директоры Б.К. Омарқұлов өз сөзінде болашақ орталықтың негізгі қызметтері мен бағыттарын жария етті. Мейіргер ісі білім беру мектебінің ассистенті А.Р. Айтмағамбетов JBIC-ке кіру үшін қажетті қадамдармен таныстырды.

936

пікірлер

пікір қалдыру үшін.