«Жедел жәрдемдегі» наурыз мерекесі
Наурыз
мерекесі - жер бетіндегі көне мейрамдардың бірі. Бұл мейрам Орталық Азияның көптеген елдерімен
және кей мәліметтер бойынша шығыс славян елдері арасында табиғаттың жаңаруы
және көктем мерекесі ретінде 5 мыңнан
аса жылдар тойланып келеді.
Мереке күніне орай 20 - мамыр Облыстық жедел медициналық көмек станциясы (ОЖМКС) базасында концерттік бағдарлама ұйымдастырылды. Бағдарламада Қарағанды қаласының ОЖМКС барлық қосалқы станция қызметкерлері мен ҚММУ «Жедел және кідіріссіз медициналық көмек» кафедра қызметкерлері мен «Жалпы медицина» факультетінің 5 курс студенттері белсенді ат салысты.
Мерекеге арнайы Қарағанды қаласының Қазыбек би ауданы медициналық мекемелерінің ардагерлер кеңесінің кураторы Сейсембеков Самат Зейнуллович шақырылды.Бағдарлама өте қызықты және жан-жақты болды. Қатысушылар қазақ халқының «Кыз ұзату», «Құда түсу», «Беташар», «Баланы қырқынан шығару» атты ұлттық салт-дәстүрлерінен көрініс қойды. Мереке қазақ халқының ұлттық күй әуендері мен әндеріне ұласты. Сонымен қатар, мерекеге Қарағанды қалалық дарынды балалар мектеп-интернатының шәкірттері қонаққа келіп, баршамызды өнерлерімен таң қалдырды. Мереке барысында келген қонақтарға кең дастархан жайылып, наурыз-көже таратылды.
Мерекенің қорытынды бөлімінде, «Жедел және кідіріссіз медициналық көмек» кафедрасының меңгерушісі А.Р. Алпысова жоғарғы оқу орынымыздың және кафедра ұжымы атынан құттықтау сөзбен ортаға шықты.
«Жалпы медицина» факультетінің 5 курс студенттері де мерекелік бағдарламадан тыс қалмай, өз өнерлерін көрсетті. Студенттер – «ҚММУ КТК құрама командасының» қатысушылары Баязитов Самат пен Досмағамбетов Тимур миниатюрамен ортаға шығып, барша көрерменді күлкіге бөлендірді. 5-058 топ студенті Косыбаева Аруна «Құрманғазы» күйін орындаса, 5-008 топ студенті Салахиддинов Жасур барлық қонақтарды өзбек, түрік және араб әуендерімен жандандыра түсті. Бекимова Фариза және Адилова Алия –5-053 топ студенттері жиналған қауымға «Наурыз» әнін сыйға тартты.
Концерттік бағдарлама кафедра ұжымымен дайындалған мерекелік слайд-шоу фонында өткізілді.
Мерекелік бағдарлама барлық жиналған қауымды жағымды әсерге және көтеріңкі көңілге бөлендірді!
Жедел және кідіріссіз медициналық көмек кафедрасының ұжымы