Француз Республикасының Елшілігі делегациясының сапары
2021 жылы 22 қарашада Қарағанды медицина университетіне
Франция Республикасының Қазақстан Республикасындағы Төтенше және Өкілетті
Елшісі Жоғары Мәртебелі Дидье Канес мырза келді.
Сапар аясында "ҚМУ" КеАҚ Басқарма Төрағасы – Ректоры Анар Ақылбекқызы Тұрмұхамбетовамен кездесу өтті. Сондай-ақ кездесуге ынтымақтастық және мәдениет мәселелері жөніндегі кеңесші Алекс Бортолан, білім беру мәселелері жөніндегі Атташе Ксавье Ле Торривелек, ынтымақтастық жөніндегі Атташе Александра Тиркьюир, Елші Протокол Қызметінің басшысы Раушан Ашимбаева, Француз Альянсының директоры Фирсова Екатерина Евгеньевна, академиялық жұмыс жөніндегі проректор Виктор Петрович Риклефс және халықаралық ынтымақтастық бөлімінің бастығы Э.Б. Култанова қатысты.
Қазіргі уақытта Францияның Қазақстандағы Елшілігі мен Қазақстан Республикасы Денсаулық сақтау министрлігінің Денсаулық сақтау саласындағы ынтымақтастық бағдарламасы шеңберінде онкология, вирусология, ана мен бала денсаулығын қорғау бағыттары бойынша "ҚМУ" КеАҚ оқытушылары мен білім алушыларына арналған француз тілі курстары ұйымдастырылды.
