Мониторингті Қазақстандағы Эразмус+ бағдарламасының Ұлттық кеңсесінің директоры Тасбулатова Шайзада Умурзаковна өткізді. Аталған іс-шараға серіктес жоғары оқу орнының өкілдері, яғни Жоба координаторы- медицина ғылымдарының кандидаты, микробиология және вирусология кафедрасының доценті Юсупов Рустам Рахимович және Жобадағы жұмыс тобының жетекшісі, медицина ғылымдарының кандидаты, «С.Асфендияров атындағы Қазақ ұлттық медицина университеті» КеАҚ-ң коммуникативтік дағдылар кафедрасының меңгерушісі, доцент, психотерапевт-дәрігер Багиярова Фатима Арыстановна қатысты.

  Басқарма төрағасының м.а., «ҚМУ» КеАҚ ректоры Турмухамбетова  Анар Акылбековна пациенттің орталықтандырылған коммуникативтік құзыреттілігін дамыту үшін FOR 21 жобасының маңыздылығын атап өтті.

 Жобаның координаторлары «ҚМУ» КеАҚ-нан Семенихина Полина Сергеевна және "ҚазҰМУ" КеАҚ-нан Юсупов Рустам Рахимович FOR 21 жобасының іске асырылу барысы туралы аралық есепті және одан әрі іс-шараларды іске асыру жоспарларын ұсынды.

  Мониторингтік кездесу жобаны одан әрі іске асыру бойынша ұсынымдық сипатта болды. Тасбулатова Шайзада УмурзаковнаFOR 21 жобасының іс-шараларын жақсарту, консорциумда серіктестік қатынастарды дұрыс құру және жоба нәтижелерін тарату бойынша ұсыныстар айтты.