ӘЗ НАУРЫЗ
2018 жылдың
19 наурызында ҚММУ орта медицина қызметкерлерін дайындау факультетінде Наурыз
мейрамына арналған мерекелік іс-шара өткізілді. Наурыз мейрамын молшылықпен
тойласа, жыл бойы үйге тоқшылық пен сәттілік келеді деп есептеген.Бұл нанымдар мерекелік
салт-жоралар мен әдет-ғұрыптардың көптігін түсіндіреді.
Мерекелік және ұлттық нақышта сахна безендірілген.ОМҚДФ білім алушылары қазақ халқының әдет-ғұрыптары мен әдемі салттарын көрсетті: «Селт еткізер», «Қыз ұзату», «Бесікке салу», «Тұсау кесу», «Бастаңғы».
Салт-дәстүрлер ән және бимен жалғасын тапты.
Мерекелік дастарханға шығыс халықтарының тағамдары ұсынылып, онда құрметті орынға Наурыз көже ие болды. Наурыз көже молшылық пен жақсылықтың бастамасы.
Наурыз – жердегі барлық адамдардың және табиғаттың бірлік мерекесі,
жақсылық пен шуақ, үйлесім мерекесі!