Балаларға қуаныш сыйлаймыз
Жаңа жыл қарсаңында Интернатура факультетінің СӨӨБК өздерінің жаңа жылдық ертегілік қойылымымен «Ботагөз» балалар үйіне барып қайтты. Балаларға арналған қойылым «Бір, екі, үш – шырша жарқыра!» деген атаумен өткізілді. Балалар үйінің тәрбиеленушілері Аяз Атаны (Койшыбаев Таир 7-009 тобының интерн-хирургі), Ақшақарды (Калимбетова Акерке 7-019 тобының интерн-терапевті) және келе жатқан Жаңа жылдың символы – әтешті (Демеева Нурсауле – 7-001 тобының интерн – акушер-гинекологы) көргендеріне риза болды. Чернышенко Надежда 6-047 тобының интерн-терапевті «Ничего на свете лучше нету» әнін гитараның сүйемелдеуімен ерекше орындап, балаларды қуанта түсті. Балақайлармен ән айтты, жұмбақ жасырып, шыршаны әсем әуендермен айналған белсенді интерндер: Тайкенова Жулдыз 7-008 тобының интерн-хирургі, Байзаков Серик 7-009 тобының интерн-хирургі, Молдагулова Айжан 7-022 тобының интерн-терапевті, Дусмогомбетова Анар 7-076 тобының ЖДТ интерні. Сонымен қатар, балалар 7-033 тобының интерн-терапевті Абылканов Чингистің Жаңа жылдық фотосессиясына қатысты.
«Ботагөз» КММ балалар үйінің басшысы біздің жұмысымызды бағалап, алғыс хатпен мадақтады.
Біз үшін ең басты марапат – балалардың бақытты жүздері, әрбір баланың жарқыраған күлкісі! Интернатура факультетінің СӨӨБК балаларға қуаныш сыйлап, шетте қалмағандарға зор алғыстарын білдіреді!