«Құстарға қыс мезгілінде көмектес» экологиялық науқаны
Қараша айының 12- 14 күндері аралығында KazMSA офицері Мырзалы Тогжанның және «Жасыл ел» жастар еңбек жасақтарының басшылығымен университет қабырғасында, Қарағанды қаласының орталық саябағында «Құстарға қыс мезгілінде көмектес» атты экологиялық науқан өтті. Шараның мақсаты: құстардың қыста өмір сүру салтын көрсету; қатысушылардың құстарға деген қамқорлық көзқарасын тәрбиелеу; қиын кезеңдерде құстарға көмектесу. Іс-шараның өзі үш кезеңнен тұрады.
Бірінші кезең 12 қарашада университет қабырғаында өткізілді. Осы кезеңде қатысушыларға құстардың ерекшеліктері, олардың тамақтануы, әртүрлі ауа-райында орналасатын жерлері туралы слайдтар, бейнероликтер назарға ұсынылды. Екінші кезеңде – қатысушылар топтар бойынша қызықты сұрақтарға жауап беріп, құстар туралы сөзжұмбақтар шешті. Жеңімпаздар сыйлықтармен марапатталды. Соңында қатысушылар іс – шара барысында алған білімдерін нығайту үшін өздерінің шығармашылық қабілеттерін (қабырға газетін рәсімдеді) көрсетті.
Күнсұлу Жанбосын
KazMSA – KSMU бас хатшысы
