Ішкі аурулар кафедрасының ассистенті Умирбаева Асель Ильтайқызының жетекшілігімен жалпы медицина және стоматология  факультетінің 3-005 тобының студенттері Облыстық соғыс ардагерлеріне медициналық көмек көрсету орталығының базасында  Наурыз мерекесі және Ұлы жеңістің 70 – жылдығына арналған мерекелік концерт өткізді. Бұл концертте САМККО базасының директоры - И.М. Ахмадишин, директордың орынбасары – Е.Е. Туленов сонымен қатар ішкі аурулар кафедрасынан келген профессор –оқытушылар құрамы - Р.Е.Бакирова, С.Д.Нурсултанова, Қ.Т. Тусупбекова және  Ж.Ж.Турханова сияқты қадірменді қонақтар болды.

Ұлы Отан соғысының ардагер – қонақтары алғашында студенттерді Наурыз мерекесімен құттықтап, кейін олардың соғыс уақытында көрген қиын – қыстау күндері туралы әңгімелері және соғыс кезінде салған әндерін айтып, естеліктерімен бөлісті.

Концерттің музыкалық бөлімі 3005 тобының студенттерінен құралған  хордың орындауындағы «Қазақ елі» әнімен аяқталды. Концерт соңында ардагерлер студенттерге осы концерттік бағдарлама және басқа да ұйымдастырушылық жұмыстары үшін алғысын білдіріп, өз палаталарына көтеріңкі көңіл – күймен қайтты.

Б.Б. Оразалиев 3-005 гр ОМ