Жаңалықтар

Осыдан 36 жыл бұрын, 1989 жылдың 16 желтоқсанында Қазақ КСР Денсаулық сақтау министрлігінің бұйрығымен Мақаш Тыныштықпайұлы Әлиакпаров Қарағанды мемлекеттік медицина институтының ректоры болып тағайындалды.  

Мақаш Тыныштықпайұлы Әлиакпаровтың есімі тек Қазақстанда ғана емес, сонымен қатар одан тыс жерлерде де медициналық, академиялық және шығармашылық ортада кеңінен танымал. Медицина ғылымдарының докторы, профессор, ҰҒА академигі, Қарағанды мемлекеттік медицина институтының ректоры (1989-2001) - ол өз бойында зерттеушінің энергиясын, суретшінің күші мен тәлімгердің даналығын біріктіре алды. Жоғары оқу орнын басқарған жылдары Мақаш Тыныштықпайұлы Қазақстандағы алғашқы медициналық-биологиялық факультеттің негізін қалады, шетелдік студенттерге арналған факультет, шығыс бөлімшесін ашты. Сонымен қатар, қазақ тіліндегі алғашқы оқу әдебиеттері жарық көре бастады.  

Мақаш Тыныштықпайұлы Әлиакпаров отандық ғылым мен мәдениет тарихына білім мен өнерге сіңірген еңбегі тұтас ұрпаққа үлгі болған тұлға ретінде енді.  

Оның ғылыми мұрасы ауқымды: 400 — ден астам ғылыми еңбектер, 14 монография, 12 авторлық куәлік, оқушылар мектебі-6 доктор және 13 ғылым кандидаты. Оның есімі қазақстандық рентгенология және сәулелік диагностика мектебінің қалыптасуымен тығыз байланысты.

Алайда, оның ғылыми жолының артында әрдайым суретшінің нәзік сезімі болатын. Оның кеңсесінде әрдайым мольберт пен бояулар ерекше көзге түсетін еді. Арнайы білімсіз ол танымал суретші, Қазақстан Суретшілер Одағының мүшесі бола алды. Өнертанушылар оның ерекше «әлиакпаров» кескіндеме мәнерін, оның филигранды графикалық сурет салу техникасын атап өтеді.

Оның кенептері - жай ғана картиналар емес, бұл қазақ даласының  түрлі-түсті және жарықпен бейнеленген философиясы. Олар Италияда, Францияда және Ресейде сәтті көрсетіліп, көрерменді ой тереңдігі мен рухани үнімен баурап алды. 

Шәкәрімнің поэзиясы мен тұлғасы оның шығармашылығында ерекше орын алады. Әлиакпаров ақынды бейнелемейді - ол оның рухани әлемін қайта жасайды, поэзиясына тән мағыналарды көрсетеді. Оның шығармалары - дәуірлердің диалогы, суретшінің жан дүниесі мен ата-бабаларының даналығы арасындағы әңгімесі.

Оның бастамасымен «Абай және Шәкәрім» атты алғашқы жеке сурет галереясы құрылып, оның суреттерін жинады, сондай-ақ Шәкәрім атындағы Халықаралық қоғамдық қор құрылды. Ол рухани дәстүрлер мен мәдени мұраларға арналған алты кітаптың авторы.

Оның монументалды туындылары ел бейнесінің бір бөлігіне айналды: «Отан қорғаушыларға» (Астана), «Металлургтерге» (Теміртау), «Абай» (Қарағанды) — бұл ескерткіштердің әрқайсысы оның жанының бір бөлшегі.

Бүгінде, ғылым мен өнерге адал болып қала отырып, Мақаш Тыныштықбайұлы өзінің үлгісімен шабыттандыруды жалғастыруда.

«Ең бастысы - денені емдеу ғана емес, адамға өмірдің сұлулығын көруге көмектесу», - дейді ол.